မောရိရှနိုင်ငံ သင်္ဘောသားများသည် ဒဏ်ငွေပေးဆောင်ရန် ကြုံတွေ့ခဲ့၊ အိမ်ပြန်ရန် အလွန်ခက်ခဲသည့် စွန့်စားခန်း၌ဖြစ်

မောရိရှိနိုင်ငံ အစိုးရသည် ၎င်းအနေဖြင့် ကမ္ဘာတစ်ဝန်း ချောင်ပိတ်မိခံနေရသည့် မိမိ၏ ထောင်နှင့်ချီသည့် သင်္ဘောသားများအား နောက်ဆုံး၌ နယ်စပ်များကို ဖွင့်ပေးမည်ဟု မကြာသေးမီက ကြေညာခဲ့သည် - သို့သော်လည်း အနည်းငယ်သော အခက်အခဲဖြင့်သာဖြစ်သည်။ ထို့ပြင် အနည်းငယ်သော အလှစ်ဖမ်းအပြစ်ပေးမှုများရှိပါသည်။

အထီးကျန် ကျွန်း- လက်ရှိ မောရိရှနိုင်ငံ မူဝါဒ

“ကျနော် သင်္ဘောသား တစ်ဦးဖြစ်ပါတယ်၊ ဘယ်သူမဆိုကဲ့သို့ ကျနော် အိမ်ပြန်ချင်တယ်၊” Vishan Balkissoon က စာရေးသားပါသည်။

Vishan သည် ကမ္ဘာတစ်ဝန်း ဆိပ်ကမ်း 82 ခုရှိ ခရီးသည် ရှင်းလင်းနေသည့် ခရီးသည်တင်သင်္ဘော 21 စင်းပေါ် ချောင်ပိတ်မိခံနေရသည့် မောရိရှနိုင်ငံ သင်္ဘောသား ခန့်မှန်းခြေ 2,000 အနက် တစ်ဦးဖြစ်ပါသည်။ သူတို့သည် ဤသင်္ဘောများပေါ်၌ မိတ်ဆွေများနှင့် မိသားစုမှ အဝေးတွင် ကမ္ဘာအား လက်ရှိ၌ ဒုက္ခပေးနေသော ကမ္ဘာ့ရောဂါကပ်ဘေးကြီး စတင်ဖြစ်ပေါ်ကတည်းကစ၍ ရောက်ရှိနေခဲ့ကြသည်။  ၎င်းသည် မောရိရှနိုင်ငံ သင်္ဘောသားများ၏ အတိဒုက္ခဖြစ်သည်၊ (Vishan အပါအဝင်) သင်္ဘောသား အယောက်  2,000 တို့သည် မောရိရှိနိုင်ငံအစိုးရအား သူနှင့် အခြား ရာနှင့်ချီသောသူများကို မိမိတို့ အမိနိုင်ငံသို့ ပြန်လာရန် ခွင့်ပြုပေးရန်အတွက် တောင်းဆိုသည့် အသနားခံစာကို လက်မှတ်ရေးထိုးကြသည်။

“စောင့်ဆိုင်းနေစဥ် အိမ်၌ ချစ်ခင်ရသူများ အသက်ဆုံးရှုံးခဲ့ကြသည့် သင်္ဘောသား အမြောက်အမြားကို ကျွန်ုပ်တို့ သိပါသည်၊” Crew Centre မှ တင်သွင်းခဲ့သည့် အသနားခံစာ တွင်ရေးသားထားချက်ဖြစ်သည်။

ချောင်ပိတ်မိခံနေရသော သင်္ဘောဝန်ထမ်း အချို့တွင် ရောဂါကျွန်းနေသည့် ကြင်ဖော်ဖက်များရှိကြပြီး အသက်ရှင်ရန် အပတ်အနည်းငယ်၊ ရက်အချို့သာ ကျန်ပါတော့သည်။ “ကျမ တူတော်သူမှာ သူ့ဖခင်၏ အသုဘကိုပင် ယမန်အပတ်က မတက်ရောက်နိုင်ခဲ့ပါ၊” ဟု အသနားခံစာကို လက်မှတ်ရေးထိုးခဲ့သူ မောရိရှိနိုင်ငံ သင်္ဘောသားများ၏ မိသားစုဝင် အများအပြားထဲမှ တစ်ဦးဖြစ်သူ Indira က စာရေးသားသည်။ မိမိတို့၏ မိဘတစ်ဦးသာ အိမ်ပြန်လာရန်ကို စောင့်ဆိုင်းနေသည့် ကလေးများ ရှိပါသည်။

မောရိရှနိုင်ငံ အစိုးရသည် ကမ္ဘာ့ရောဂါကပ်ဘေးကြီးကို စောစီးစွာ တင်းတင်းမာမာ တုံ့ပြန်ခဲ့သည် - ၎င်း၏ နယ်စပ်များကို လူတိုင်းအတွက် ပိတ်သိမ်းခဲ့သည်၊ ၎င်း၏ ကိုယ်ပိုင် နိုင်ငံသားများအပါအဝင်ကိုပင်ဖြစ်သည်။ ပြင်ပ ကမ္ဘာအား ပိတ်လိုက်ခြင်းကြောင့် သေးငယ်သည့်နိုင်ငံအနေဖြင့် အခြားနိုင်ငံများ ဗိုင်းရတ်စ်နှင့် တိုက်ပွဲဝင်နေသည်နှင့် နှိုင်းယှဥ်လျှင် အလွန်ပင်ကောင်းမွန်ပြီး ရောဂါရှိသူ 341 ဦးသာ မှတ်တမ်းတင်ထားလျက်ရှိသည်။ သို့သော်လည်း Covid- ကင်းမဲ့ လောက်နီးပါး-ဖြစ်နေသည့် နတ်ဘုံနတ်နန်းမှာ ကမ္ဘာ့သင်္ဘောများပေါ်၌ မိမိတို့ကိုယ်တိုင်- အထီးကျန်နေ နေရသည့် ထောင်ပေါင်းများစွာသော မောရိရှနိုင်ငံသားများအပေါ် အနည်းငယ်သော ဂရုဏာသာရှိပါသည်။ “ကျမ ယောက်ျားဟာ သင်္ဘောပေါ်မှာ ရှိနေတုံးပါဘဲ... ကျမတို့ရဲ့ မောရိရှနိုင်ငံ အစိုးရဟာ ရှက်ဖို့ကောင်းပါတယ်၊” ဟု Beeharry က စာရေးသားသည်။

ITF ၏ အဆိုအရ၊ သင်္ဘောဝန်ထမ်း အပြောင်းအလဲလုပ်ရေး အတင်းအကျပ်တွင် ချောင်ပိတ်မိခံနေရသော ပိုမိုများပြားလာသည့် သင်္ဘောသားများသည် မိမိတို့၏ သင်္ဘောများပေါ်တွင် ပင်လယ်ရေကြောင်းဆိုင်ရာ အလုပ်သမား စာချုပ် (Maritime Labour Convention) အရ တရားဝင် ခွင့်ပြုထားသည့် ၁၁ လ ထက်ပိုမို၍ ကျော်လွန်နေပြီဖြစ်ပါသည်။ အချို့မှာ ၁၅ လ ထက်ကျော်လွန် နေပြီဖြစ်ပါသည်။

အိမ်ရှိ မိမိတို့၏ ညီအစ်ကိုများ၊ တူတော်သူများ၊ ယောက်ျားလေးရည်းစားများနှင့် ကြင်ဖော်ဖက်များကို လိုအပ်သည့် အများအပြားသော အသနားခံစာတင်သွင်းသူများသည် ဤ ‘မျောနေသည့် အကျဥ်းထောင်များ’ တွင် သင်္ဘောသားများ ခံစားနေရသည့် ထိပ်လန့်ဖွယ် အခြေအနေများအကြောင်းကို ဖော်ပြကြပါသည်။ လူတစ်ယောက်က ရေးသားခဲ့သည်မှာ သင်္ဘောဝန်ထမ်းများသည် “ကြီးမားလှသော စိတ်ဒဏ်သင့်မှု ခံစားနေရပြီး စိတ်ဒုက္ခမှာ သူတို့၏ ကျန်းမာရေးကို ထိခိုက်နေလျက်ရှိခဲ့သည်၊”ဖြစ်ပါသည်။ “သူတို့သည် များစွာသော ပြဿနာများ – အိပ်မပျော်ခြင်း၊ စိတ်ကျခြင်း၊ ငွေကြေး ချို့တည့်ခြင်း၊’ တို့ခံစားနေရကြောင်း ကျွန်ုပ်သိပါသည် ဟု နောက်တစ်ယောက်က ရေးသားခဲ့သည်။

သင်္ဘောသားများအား အပျော်စီးသင်္ဘောများနှင့် ကုန်တင်သင်္ဘောများမှ ဆင်းပေးရန်လုပ်ခြင်းသည် လူသားချင်းစာနာသော အရေးပေါ်ကိစ္စဖြစ်လာခဲ့သည်။ ဆိပ်ကမ်းများနှင့် ဖြတ်သန်းရမည့် ကြားနိုင်ငံများ၏ နယ်စပ်များ ပိတ်ထားမှုသည် လက်ရှိကာလထိတိုင် ပြဿနာတစ်ခု ဖြစ်နေလျက်ရှိသည်၊ ယခုသော် လက်တစ်ဆုတ်စာ နိုင်ငံများမှာ သင်္ဘောဝန်ထမ်း အပြောင်းအလဲလုပ်ရေး အတွက် ဖွင့်ပေးလျက်ရှိသည်။  ကနေဒါနှင့် ဟောင်ကောင် နှစ်နိုင်ငံလုံးသည် မကြာသေးမီက သင်္ဘောဝန်ထမ်း အပြောင်းအလဲလုပ်ရေးဆိုင်ရာ လုပ်ထုံးလုပ်နည်းများကို သွတ်သွင်းခဲ့သည်။ သို့သော်လည်း မောရိရှနိုင်ငံ သင်္ဘောသားများအဖို့ အကယ်၍ သင့် မိခင် နိုင်ငံမှ သင် အိမ်ပြန်လာရန် လက်မခံလျှင် ဗင်ကူးဗား သို့မဟုတ် ဟောင်ကောင်၌ သင်္ဘောပေါ်မှ ဆင်းရခြင်းမှာ များများစားစား အဓိပ္ပါယ်မရှိနိုင်ပါ။

အကယ်၍ အလုပ်ရှင်အနေဖြင့် များစွာသော အပျော်စီး သင်္ဘောကုမ္ပဏီများ အပြည်ပြည်ဆိုင်ရာအားဖြင့် လုပ်ပေးလျက်ရှိသကဲ့သို့ မောရိရှနိုင်ငံ သင်္ဘောသားများအား သူတို့၏ မိခင် နိုင်ငံသို့ သင်္ဘောဖြင့် ခေါ်ဆောင်လာပေးရန် လိုလားခဲ့သည့်တိုင်အောင် ၎င်းတို့မှာ သင်္ဘောဆိုက်ကပ်ရန်နှင့် မောရိရှနိုင်ငံ သင်္ဘောသားများကို သင်္ဘောပေါ်မှ ဆင်းပေးရန် မောရိရှနိုင်ငံမှ တားဆီးမည်ဖြစ်ပါသည်။ မောရိရှနိုင်ငံ ဆိပ်ကမ်း အာဏာပိုင်က “နောက်ထပ် နို့တစ်စာ မထုတ်မပြန်မချင်း သင်္ဘောဝန်ထမ်း အပြောင်းအလဲ လုပ်ရေးအတွက် မည်သည့် တောင်းဆိုမှုကိုမှ ခွင့်ပြုမည် မဟုတ်ပါ” ဟု ရိုးရိုးစင်းစင်း ကြေညာခဲ့သည့်အခါ အတားအဆီးကို မတ်လ ၂၂ ရက်နေ့ကတည်းကစ၍ ချမှတ်ခဲ့သည်။ သို့သော်လည်း အဆိုပါ တင်းမာသော-မူဝါဒမှာ အက်ကြောင်းလိုက်လာလျက်ရှိပါသည်။

မောရိရှနိုင်ငံ ဝန်ကြီးချုပ် Pravind Jugnauth ထံသို့ပို့သည့် လတ်တလော ဗွီဒီယိုတွင် နော်ဝေးနိုင်ငံ အပျော်စီး သင်္ဘောလိုင်း သင်္ဘော Norwegian Epic ပေါ်၌ ချောင်ပိတ်မိခံနေရသည့် သူ၏ ကိုယ်ပိုင်နိုင်ငံသား အယောက် နှစ်ရာသည် သူတို့၏ ခေါင်းဆောင်အား သူတို့၏ ကိုယ်ပိုင်လူများကို နယ်စပ်များ ဖွင့်ပေးပြီး သူတို့အား အိမ်ပြန်လာခွင့်ပြုရန် တောင်းပန်ခဲ့ပါသည်။

Norwegian Epic သင်္ဘောသည် အိမ်ပြန်ပို့ခံရရန်အတွက် စောင့်ဆိုင်းနေသော နိုင်ငံအမျိုးမျိုးမှ သင်္ဘောသားများအတွက် မျောနေသော ဟိုတယ်၏ တစ်စုံတစ်ခု ဖြစ်လာခဲ့ပါသည်။ တစ်ပတ်ပြီး တစ်ပတ် သင်္ဘောသားများ ပိုမို၍ အိမ်ပြန်ခဲ့ကြသည်။ သူတို့၏ အစိုးရများက သူတို့အား ကူညီခဲ့ကြသည်။ မောရိရှနိုင်ငံသားများသည် ကျန်ရစ်နေခဲ့ရသည်။ ယခုထက်တိုင်အောင် ဖြစ်ပါသည်။

သူတို့၏ ဝန်ကြီးချုပ်အား မီဒီယာတွင် သူတို့၏ တောင်းဆိုသံများကြောင့် ဖြစ်ဖြစ် သို့မဟုတ် စိတ်ကူးပြောင်းသွားရန်အတွက် အခြားသော အချို့ အကြောင်းရင်းကြောင့် ဖြစ်ဖြစ် Norwegian Epic သင်္ဘောပေါ် ချောင်ပိတ်မိနေသည့် မောရိရှနိုင်ငံသား သင်္ဘောသား အယောက် 200 သည် ဇွန်လ 28 ရက်နေ့တွင် အိမ်ပြန်ပို့ခံခဲ့ရပါသည်။

စိတ်မကောင်းစွာဖြင့်၊  ‘Epic’ ကဲ့သို့သော အောင်မြင်သော ကိစ္စများမှာ မောရိရှနိုင်ငံသား သင်္ဘောသားများအတွက် အိမ်ပြန်သည့်ကိစ္စဖြစ်လာသည့်အခါ ပုံမှန်ထက်စာလျှင် ပိုမို၍ ခြွင်းချက်ဖြစ်လျက်ရှိပါသည်။ လွန်ခဲ့သည့် နှစ်ပတ်အတွင်းတွင် အပျော်စီး သင်္ဘော အများအပြားမှာ ၎င်းတို့အနေဖြင့် မောရိရှနိုင်ငံ၏ မြို့တော် Port Louis သို့ သင်္ဘောဝန်ထမ်းများကို ပြန်လာပို့သည့်အခါ နောက်ကြောင်းပြန်ခိုင်းခံရခဲ့သည်။

မိမိတို့၏ ကိုယ်ပိုင် မိသားစုများအား တွေ့သည့်အတွက် ဒဏ်ငွေတပ်ရိုက်ခံရ

သို့သော်လည်း မောရိရှနိုင်ငံ အစိုးရက ၎င်း၏ တံခါးများကို ဖွင့်ပေးမည်ဟု ကြေညာခဲ့သည့်အခါ အရာများမှာ ဇွန်လတွင် ပိုမိုကောင်းမွန်လာရန်အတွက် ပြောင်းလဲခဲ့ပုံရသည်- မိမိ၏ ကိုယ်ပိုင် သင်္ဘောသားများအတွက် - အနည်းငယ်သော အခက်အခဲဖြင့်ဖြစ်ပါသည်။ အနည်းငယ်ဖြစ်သော်လည်း တိကျသည့်အရေအတွက်ကို ပြန်လည် လက်ခံပါလိမ့်မည်။ ကျွန်းနိုင်ငံသည် မိမိ၏ ကိုယ်ပိုင်လူများအား လက်ခံရန် ခွဲ၍လုပ်ပါလိမ့်မည်။ တစ်ကြိမ်လျှင် အယောက် ၁၅၀ သာဖြစ်သည်။

သို့သော်လည်း မောရိရှနိုင်ငံ အစိုးရ၏ ဂရုဏာအသစ်တွင် မိမိ၏ ကိုယ်ပိုင် သင်္ဘောသားများအပေါ် အလှစ်ဖမ်းထားသည့် အချက် နှစ်ချက်မျှရှိပါသည်။

ပထမအချက်အားဖြင့် သင်္ဘောဝန်ထမ်းများသည် မိမိ၏ အိမ်များနှင့် မိသားစုများထံသို့ အကယ်၍ သူတို့၏ အလုပ်ရှင်မှာ ကျွန်းနိုင်ငံ၏ ခရီးသွားလုပ်ငန်း-အပေါ်မှီခိုရသည့် စီးပွားရေးအား Covid-19 က ထိခိုက်ခဲ့ကတည်းကစ၍ ငွေကြေးအရ ရုန်းကန်နေခဲ့ရသည့် အစိုးရ-ပိုင် လေကြောင်းလိုင်းဖြစ်သည့် မောရိရှနိုင်ငံ လေကြောင်းကို အသုံးပြုလျှင်မှသာ ပြန်လာနိုင်မည်ဖြစ်သည်။

လေယာဥ်များမှာ စျေးကြီးသည်၊ များများ မရှိပါ၊ ထို့ပြင် အကန့်အသတ်ရှိသော တည်နေရာ အရေအတွက်မှ ၎င်းတို့ ပျံသန်းကြရသည်။ အကယ်၍ ကုမ္ပဏီများအနေဖြင့် သင်္ဘောဝန်ထမ်းများကို အိမ်ပြန်စေလိုလျှင် အခြား ကုမ္ပဏီများကို စင်းလုံးငှါးရန် သူတို့အား ခွင့်မပြုပါ။

ဒုတိယအချက်အားဖြင့် အစိုးရက ပြောကြားခဲ့သည်မှာ သင်္ဘောဝန်ထမ်း အပြောင်းအလဲလုပ်ရန်အတွက် အပျော်စီး သင်္ဘောလိုင်းများ ဆိုက်ကပ်နေလျှင် သင်္ဘောသား တစ်ဦး ဆင်းရန်အတွက် အစိုးရအား USD1,300 ပေးရန်အပြင် ၁၅ ရက် အထီးကျန်နေရမည့် စရိတ်နှင့်တကွ Covid-19 စစ်ဆေးမှု စရိတ် ပေးမှသာလျှင် သင်္ဘောသားများအား ကမ်းတက်ခွင့်ပြုမည် ဖြစ်သည်။ အစိုးရသည် အကယ်၍ သင်္ဘောဝန်ထမ်းတစ်ဦးဦးမှာ ရောဂါရှိကြောင်း စစ်ဆေးမှု အဖြေထွက်လျှင် ပိုမို၍ပင် ကျသင့်ငွေ တောင်းမည်ဖြစ်သည်။

သင်္ဘောဝန်ထမ်း အိမ်ပြန်ပို့ရေးအပေါ် အလောတကြီးလုပ်မည့် တစ်ခုခုနှင့်ပတ်သက်၍ အရှိန်လျှော့ရန်အတွက် သတ်မှတ်သည့် အငြင်းပွားလျက်ရှိသော မူဝါဒကို သင်္ဘောဝန်ထမ်းများ၊ သူတို့၏ မိသားစုများက တုန်လှုပ်ချောက်ချားခဲ့ပြီး  အမျိုးမျိုးကျသင့်ငွေ စုစုပေါင်းကို အပျော်စီး သင်္ဘောကုမ္ပဏီများက ပေးရန် မျှော်လင့်ခဲ့ပါသည်။

USA ပြည်ထောင်စု Texas မြို့ရှိ တော်ဝင် ကရီးဘီးယမ်း အပြည်ပြည်ဆိုင်ရာ (Royal Caribbean International) မှ မောရိရှနိုင်ငံဖွား ဧည့်သည်တော် စီမံ အရာရှိဖြစ်သူ Akshaye Madoo က တွက်ချက်ခဲ့သည်မှာ အိမ်ပြန်ပို့ရေး ကုန်ကျငွေမှာ သင်္ဘောသား တစ်ဦးလျှင် အမေရိကန်ဒေါ်လာငွေ စုစုပေါင်း USD2,600 ကုန်ကျမည်ဖြစ်သည်။  ၎င်းမှာ အပျော်စီး သင်္ဘောနှင့် ကုန်တင်သင်္ဘော လုပ်ငန်းကဏ္ဏရှိ ခန့်မှန်းခြေ မောရိရှနိုင်ငံ သင်္ဘောသား အယောက် 4,000 အား ပြန်ပို့ရန် ကုန်ကျငွေ သန်းပေါင်း USD10.4 သန်းကုန်ကျပါမည်။

“သူတို့သည် အပျော်စီး သင်္ဘောလိုင်း ကုမ္ပဏီများထံမှု ခြိမ်းခြောက်၍ငွေညှစ်ရန် ကြိုးစားနေသည်၊” Madoo က ပြောကြားခဲ့သည်၊ YouTube ပေါ် စောဒကတက်ရင်း ဒေါသထွက်ကာ၊ ၎င်းမှာ အလုပ်အကိုင်များအား အန္တရာယ်တွင်း ကျရောက်လိမ့်မည်ဟု ဖြည့်စွက်ပြောခဲ့သည်။ “၎င်းမှာ ကျော်မကောင်း ကြားမကောင်း ကိစ္စတစ်ခုဖြစ်သည်၊ မောရိရှနိုင်ငံ သင်္ဘောသားများအတွက် မှောင်မှိုက်သော နေ့တစ်နေ့ဖြစ်သည်၊ အဘယ်ကြောင့်ဆိုသော် ကျွန်ုပ်တို့မှာ ကျွန်ုပ်တို့ နိုင်ငံသို့ မပြန်နိုင်သောကြောင့်ဖြစ်သည်။”

အခြေအနေကို ခြုံငုံခြင်းဖြင့်  သတင်းစာဆရာ Tom Casey ကရေးသားသည်မှာ “အပျော်စီးသင်္ဘောများ၏ ထောင်နှင့်ချီသော သင်္ဘောဝန်ထမ်းများမှာ အမှောင်ထုထဲတွင် အကန့်အသတ်မရှိ ချောင်ပိတ်ခံထားရသည်”၊ “အပျော်စီး သင်္ဘောကော်ပိုရေးရှင်းများနှင့် အစိုးရများအကြား သူတို့၏ အိမ်ပြန်ရေးအတွက် ကုန်ကျငွေနှင့်ပတ်သက်၍ အငြင်းပွားမှု အလယ်ခေါင်၌ ပိတ်မိနေခဲ့ရသည်” ဟုဖြစ်ပါသည်။

ကုန်းပေါ်တက်သည့် အချို့အတွက် ညစ်ညမ်းသော ၊ သိမ်ဖျင်းသော အခြေအနေများ

မောရိရှနိုင်ငံအစိုးရက မကြာသေးမီ ကာလအထိ ရှင်းရှင်းလင်းလင်း လုပ်ခဲ့သည်မှာ ၎င်းတို့သည် ၎င်းတို့၏ ကိုယ်ပိုင် လူများကို ဤကမ္ဘာ့ရောဂါကပ်ဘေးကြီး အတောအတွင်း မလက်ခံလိုပါ၊ စည်းမျဥ်းအားလုံးနှင့် Jugnauth ၏ ကျွန်းနိုင်ငံမှ ကောက်ခံသည့် ကျသင့်ခွန်များအားလုံးကို ဆက်သွယ်လမ်းဖောက်ခဲ့ပြီး နောက်ဆုံး၌ ကုန်းပေါ်တက်ရောက်ခဲ့သည့် ထိုလူအချို့အတွက် သူတို့အား စောင့်မျှော်လျက်ရှိသော အခြေအနေများမှာ လုံးဝ မကောင်းပါ။

သင်္ဘောသားများ ရိုက်ထားသည့် ဓါတ်ပုံများက ပြသသည်မှာ အထိအတွေ့မဲ့ အထီးကျန်နေရသည့် အချို့နေထိုင်စရာများတွင် မိုကပ်ပါးများ တွဲကပ်နေသည့် နံရံများ၊ ပြိုကွဲနေသည့် အဆောက်အဦးများ၊ ပိုးဟတ် ပြန့်ပွားနေသည့် အခန်းများနှင့် ညစ်ပတ်နေသော အိပ်ရာခင်းများဖြင့် ရှိနေကြပါသည်။ ၎င်းသည် အထိအတွေ့မဲ့ အထီးကျန်နေရသည့် နေရာ အားလုံးတွင် အလားတူ မဖြစ်နိုင်ဖွယ်ရှိသော်လည်း - တစ်ခုခုတွင်ပင်လျှင် ၎င်းကို လက်ခံနိုင်ပါသလား။

မိမိ၏ အရေးကြီးသည့် အပြည်ပြည်ဆိုင်ရာ ခရီးသွားလုပ်ငန်း ကဏ္ဏကို ပြန်လည် ခေါင်းထောင်လာရန် ရည်ရွယ်နေသည့် နိုင်ငံတစ်နိုင်ငံအနေဖြင့် အဆိုပါ အံထွက်လာသည့် ဓါတ်ပုံများမှာ ဆိုးဝါးမှုကို သက်သေပြနိုင်ပါသည်။ ဓါတ်ပုံများသည်  မိမိ၏ ပင်လယ်ရေကြောင်းသင်္ဘောသား လုပ်သားအင်အားထုနှင့် မိမိ၏ အိမ်ပြန်ပို့ရေး လုပ်ငန်းစဥ် မညီမျှမှုအတွက် အစိုးရ၏ ဝမ်းနည်းစရာကောင်းသော မထေမဲ့မြင်ပြုမှု ဆက်လက်လုပ်ကိုင်ခြင်းကို အတည်ပြုရာရောက်ပါသည်။

ITF စိစစ်ရေးမှူးအဖွဲ့ ညှိနှိုင်းရေး အရာရှိဖြစ်သူ Steve Trowsdale က ပြောသည်မှာ မောရိရှနိုင်ငံအစိုးရသည် မိမိတို့၏ ကိုယ်ပိုင် သင်္ဘောသားများအပေါ် မိမိတို့၏ ဆက်ဆံမှုအတွက် ရှက်ဖို့ကောင်းသည်။

“၎င်းနိုင်ငံမှာ အပြည်ပြည်ဆိုင်ရာ ခရီးသည်များကို နိုင်ငံတွင်း ခေါ်ဆောင်လာပေးခြင်းနှင့် တစ်ကမ္ဘာလုံးရှိ အပျော်စီး သင်္ဘောများနှင့် ကုန်တင်သင်္ဘောများပေါ် ပင်ပင်ပန်းပန်း အလုပ်လုပ်ကိုင်နေကြသည့် ထောင်ပေါင်းများစွာသော သင်္ဘောသားများ၏ လုပ်ခများကို လက်ခံရယူနေခြင်း နှစ်မျိုးလုံးအားဖြင့် ပိုမို၍ အကြီးအကျယ် အကျိုးခံစားခဲ့ရသည့် နိုင်ငံ တစ်နိုင်ငံဖြစ်သည်။ သူတို့သည် သူတို့၏ ကိုယ်ပိုင် လူများအပေါ် အကူအညီ အလိုအပ်ဆုံးအချိန်၌ ကျောခိုင်းမည်မှာ ဆက်စုပ်ရွံ့ရှာစရာ ကောင်းပြီး နိုင်ငံသို့ လာရောက်ပြီး သူတို့၏ မိသားစုများကို တွေ့ရန် ရိုးရိုးသားသား လိုအင်ဆန္ဒ တစ်ခုအတွက် သူတို့အား နောက်ထပ် ခြိမ်းခြောက်ငွေညှစ်ခြင်းဖြင့် ဆော်ကားသည်။

“ကျွန်ုပ်တို့အနေဖြင့် မောရိရှနိုင်ငံ အစိုးရအပေါ် ဆက်လက်၍ ဖိအားပေးနေပါမည်။ သူတို့တွင် အလွန် တန်ဖိုးရှိသော ကမ္ဘာသိ နာမည်ကျော်ကြားမှုရှိသည်။ ကောင်းမွန်သော ကမ္ဘာကျော် နာမည်သတင်းနှင့်အတူ သင်္ဘောသားများအား ဂုဏ်သိက္ခာရှိရှိနှင့် လေးစားမှုဖြင့် ဆင်းခွင့်ပေးပြီး အိမ်ပြန်ရောက်စေရန် တာဝန်ယူပါ။” ဟု Trowsdale က ပြောကြားခဲ့သည်။