ချောင်ပိိတ်မိခံနေရသည့် သင်္ဘောသားများ ဘရာဇီးလ်နိုင်ငံမှ အိမ်ပြန်

ချောင်ပိတ်မိခံ၊ လုပ်ခလစာ မရ၊ အစာငတ် ကြုံတွေ့နေရသည့် ရှစ်ပတ်၊ အိမ်မှ ဝေးဝေးတစ်နေရာ Brazil နိုင်ငံ São Sebastião ပင်လယ်ကွေ့၌ Ukraine နှင့် Montenegro မှ သင်္ဘောသား ၁၄ ဦးသည် နောက်ဆုံး၌ ၎င်းတို့၏ မိသားစုများထံ ပြန်လည်ရောက်ရှိကြပြီး ITF အား ကျေးဇူးတင်သည်။ ၎င်းအပြင် သူတိို့သည် ရရန်ရှိသည့်လစာငွေ US$261,009 ကို လက်ဝယ်ပိုက်၍ အိမ်သို့ရောက်ရှိကြသည်။

ဇူလိုင်လ၌ Brazil နိုင်ငံရှိ ITF စိစစ်ရေးမှူးဖြစ်သူ Renialdo de Freitas က သတင်းပို့ခဲ့သည်-သူသည် သင်္ဘောဝန်ထမ်းများနှင့် ဆက်သွယ်ခဲ့ပြီး လုပ်ခများ ပြန်လည်ရရှိရန် အစိုးရ အာဏာပိုင်များနှင့်အတူ လုပ်ကိုင်နေခဲ့သည်။

ကျွန်ုပ်တို့သည် Srakane သင်္ဘောဝန်ထမ်းများ၏ ခက်ခဲသော အတွေ့အကြုံများနှင့် ပြဿနာများ အကြောင်းကို သင့်အား ယခု ပြောပြနိုင်သည်။

ဧပြီလ၌ de Freitas သည် Srakane သင်္ဘောပေါ်ရှိ အရာရှိချုပ် Nikita Pavlenko* ထံမှ အဆိုပါသင်္ဘော Morocco နိုင်ငံမှ Salvador သို့ ရောက်ရှိပြီးနောက် SOS အရေးပေါ်သတင်းတစ်ရပ်ကို ဦးစွာ ရရှိခဲ့သည်။

 “ကျွန်ုပ်တို့ ယနေ့ (ဧပြီလ ၂၀ ရက်) နံနက် အချိန်၌ ကျောက်ချပါသည်၊” ဟု Pavlenko က အီးမေးလ်ပို့ခဲ့သည်။ “သင်္ဘောဝန်ထမ်း ငါးဦးမှာ လုပ်ခလစာ ခြောက်လအတွက် မရရှိသေးပါ၊ သူတို့ အလုပ် ဆက်လက် မလုပ်လိုတော့ပါ။ အလုပ်ကန်ထရိုက် အားလုံး ပြီးဆုံးပြီးဖြစ်ပါသည်။ ကျွန်ုပ်တို့ သင့် အကူအညီကို စောင့်ဆိုင်းလျက်ရှိပါသည်။”

ဒေသခံ ဥပဒေများနှင့် ပင်လယ်ရေကြောင်းဆိုင်ရာ အလုပ်သမား စာချုပ်အရ ဘရာဇီးလ်နိုင်ငံ ဆိပ်ကမ်းတွင် အကယ်၍ သင်္ဘော၌ ချွတ်ယွင်းချက်များ ရှိခဲ့လျှင် ဖမ်းဆီးနိုင်သောကြောင့် ချွတ်ယွင်းချက်များ ရှိမရှိ de Freitas က မေးမြန်းခဲ့သည်။ Pavlenko သည် ဝန်ချီစက်၊ ကုန်တင်ကုန်ချ အပေါက်အဖုံးနှင့် ရေကြောင်းပြ ကွပ်ကဲစင် ကိရိယာတို့နှင့်ပတ်သက်သော ပြဿနာများအကြောင်း သူ့အား တပ်လှန့်ခဲ့သည်။

သက်တမ်း ၃၄ နှစ် ရှိပြီဖြစ်သည့် အထွေထွေ ကုန်တင် သင်္ဘောသည် Salvador နိုင်ငံ၌ ပြုပြင်ရေးနှင့် လောင်စာဖြည့်ရန် တစ်လ ရပ်တံ့ခဲ့ရသည်။ သင်္ဘောဝန်ထမ်းများမှာ စားနပ်ရိက္ခာ လျှော့ပါးလာမှုနှင့် ငွေများ ၎င်းတို့၏ မိသားစုများထံ မရောက်သည့်အကြောင်း စိတ်ပူနေကြသည်။ အရာရှိချုပ် Pavlenko မှာ စိတ်သောကများကြောင့် ခေါင်းတစ်ခြမ်းကိုက်သည့် ရောဂါ ခံစားနေခဲ့ရသည်။

 “ကျွန်ုပ်၏ ခေါင်းကိုက်ရောဂါသည် နေ့တိုင်း တိုး၍သာ ဖြစ်နေပါသည်။ ကျွန်ုပ် ဆေးကို ဆက်တိုက် သောက်နေရသည်၊” သူ နောက်ကျမှ စာရေးခဲ့သည်။

ပနားမားနိုင်ငံ အလံလွှင့်ထူထားသည့် သင်္ဘောသည် တောင်ဖက်သို့ နောက်ထပ် ဦးတည်သွားခဲ့ပါသည်။

 “ကျွန်ုပ်သည် သင်္ဘော၏ အနေအထားကို စောင့်ကြပ်ကြည့်နေပါသည်၊” ဟု de Freitas က သင်္ဘောဝန်ထမ်းများထံ စာရေးသားခဲ့သည်။ “ကျွန်ုပ်သည် São Sebastião ဆိပ်ကမ်း အာဏာပိုင်များအား ဆက်သွယ်ရန် အဆင်သင့်ရှိနေပါသည်။ ကျွန်ုပ်သည် Claudio Tarifa (အလုပ်သမား စိစစ်ရေးမှူး၊ Brazil) ပိုင်ရှင်၊ နှင့် ဆိပ်ကမ်း အာဏာပိုင်များအား အကြောင်းကြားခဲ့ပြီးဖြစ်သည်၊”

 “ကျွန်ုပ်သည် သင်္ဘောသို့ အစားအစာ/ရိက္ခာများ ပို့ပေးရန် အရေးယူလုပ်ဆောင်ချက်များအတွက် တောင်းခံခဲ့သည်။”

Srakane သင်္ဘော São Sebastião ရောက်ရှိလာသည့်အခါ ဇွန်လ ၁ ရက်နေ့တွင် De Freitas သည် သင်္ဘောဝန်ထမ်းများအား တွေ့ဆုံရန် လေးနာရီကြာ ကားမောင်း လာခဲ့ရသည်။

Pavlenko ကပြောသည်မှာ သူတို့အား ဘာမျှ မပြောရန် မာလိန်မှူးက ခြိမ်းခြောက်ခဲ့သည် ဖြစ်ပါသည်။ မာလိန်းမှူးသည် အာဏာပိုင်များအား ခေါ်သည့်အတွက် သင်္ဘောဝန်ထမ်းများအား အပြစ်တင်ခဲ့သည်။

မာလိန်မှူးသည် သင်္ဘောပေါ် Croatians နှစ်ဦးသာ ရှိသည့်အနက် တစ်ဦးဖြစ်ပြီး သင်္ဘောကို Croatia’s Adriatic ပင်လယ်ရှိ ကျွန်းတစ်ကျွန်း အမည်ကို ပေးထားပြီး Croatian ကုမ္ပဏီက ပိုင်ဆိုင်ပါသည်။

 “သူတို့သည် အနည်းငယ် ရန်ဖြစ်ကြပြီး Pavlenko သည် သူ့ကိုယ်တိုင်ကို သူ့အခန်းတွင်း သော့ပိတ်နေခဲ့သည်ဟု ကျွန်ုပ်အား ပြောခဲ့ပါသည်၊” ဟု de Freitas က ပြောကြားခဲ့သည်။ 

ITF စိစစ်ရေးမှူးက သင်္ဘောဝန်ထမ်းများအား အကြံပြုခဲ့သည်မှာ နောက်ထပ် ရန်စမှု သို့မဟုတ် အနှောင့်အယှက်ပေးမှု ကြုံတွေ့ရာ၌ စိတ်တည်ငြိမ်အောင်နေပြီး ၎င်းတို့၏ လုပ်ခများ မရမီ သင်္ဘောပေါ်မှ ဆင်းမသွားရန် ဖြစ်ပါသည်။

 “ထိုမှမဟုတ်လျှင် သင်တို့အားလုံး အရာတိုင်းကို ဆုံးရှုံးသွားနိုင်သည်၊” ဟု သူက ရေးသားခဲ့သည်။

သူတို့သည် မားမားမတ်မတ် ရပ်တည်မည်ဟု သင်္ဘောဝန်ထမ်းများက ရှင်းရှင်းလင်းလင်း ပြောခဲ့သည်။

 “ကျွန်ုပ်တို့သည် ကျွန်ုပ်တို့ မိသားစုအပေါ် ဤသရော်မှုကို စိတ်ကုန်နေပြီးဖြစ်ပါသည်၊” သင်္ဘောဝန်ထမ်း တစ်ဦးက ရေးသားခဲ့သည်။ “ကျွန်ုပ်တို့၏ ဆွေမျိုးအများအပြားမှာ ဆေးကုသမှု လိုအပ်နေပြီး ကျွန်ုပ်တို့အနေဖြင့် ကျွန်ုပ်တို့ ကလေးများ အတွက်ပင် မဆောင်ရွက်ပေးနိုင်ပါ။” 

 “ကျွန်ုပ်တို့၏ အခွင့်အရေးများမှာ ဖောက်ဖျက်ခံရကြောင်း သင်္ဘောသား တစ်ဦးအဖြစ်သာ မဟုတ်သော်လည်း လူသားတစ်ဦးအဖြစ်လည်း ကျွန်ုပ်တို့ မည်သူတစ်ဦးဦးကို သတင်းပို့သင့်ပါသလဲ၊” သူ ထပ်ဆင့်ပြောခဲ့သည်၊ အကူအညီအတွက် Ukraine သမ္မတကို တောင်းဆိုသည်။

Brazil နိုင်ငံသည် ၂၀၁၉ ခုနှစ် ကတည်းကစ၍ ပင်လယ်ရေကြောင်း အလုပ်သမား စာချုပ် (Maritime Labour Convention (MLC)) ကို လက်မှတ်ထိုးခဲ့ပြီး အစိုးရ အာဏာပိုင်များသည် ဤအချိန်အခါ၌ အရေးယူလုပ်ဆောင်ရန် အရေးကြီးကြောင်း ဆုံးဖြတ်ခဲ့သည်။

Brazilian ရေတပ်သည် သင်္ဘောထံ ရိက္ခာ ဖြည့်ပေးခဲ့ပါသည်။ အလုပ်သမား ဝန်ကြီးဌာန၊ တရားရေး ဝန်ကြီးဌာန၊ လူမှုဖူလုံရေး၊ ဗဟိုရဲတပ်ဖွဲ့နှင့် ရေတပ်တို့မှ အရာရှိများဖြင့် ဖွဲ့စည်းထားသည့် လုပ်ငန်းတပ်ဖွဲ့ကို စုစည်း၍ဖွဲ့စည်းထားပါသည်။

ပိုင်ရှင်များ၏ ကိုယ်စားလှယ်ကို နောက်ဆုံးရက် ဇွန်လ ၁၆ ရက်ကို ပေးခဲ့သည်။ နောက်ဆုံးရက် ကျော်လွန်ခဲ့သည့်အခါ သင်္ဘောကို ပေးမချေရသေးသည့် လုပ်ခများနှင့် အခြား ငွေကြေးများ၏ အာမခံအဖြစ် ထိန်းသိမ်းခဲ့သည်။

ယင်းနောက် de Freitas သည် အစိုးရ တရားစွဲဥပဒေအကျိုးဆောင်နှင့် ဗွီဒီယိုဖုန်းမှ တစ်ဆင့် လုပ်ကိုင်ခဲ့ပြီး သင်္ဘောပိုင်ရှင်များ၊ မန်နေဂျာများနှင့် သင်္ဘောစင်းလုံးငှါးသူများအပေါ် တရားစွဲဆိုရန်ဖြစ်သည်။  

ITF သည် MLC စာချုပ်အရ စွန့်ပစ်ထားမှု၊ မတော်မတရားပြုကျင့်မှုနှင့် ညံ့ဖျင်းသော သင်္ဘောထိန်းသိမ်းမှုတို့ကို စွဲချက်တင်ရန် စီစဥ်နေလျက်ရှိသည်။  

သင်္ဘောပေါ်ရှိလူများ လေးလမှ ၁၁ လအတွက် လုပ်ခ မရရှိခဲ့ကြောင်းကို တွေ့ရှိပြီးနောက် Brazilian အလုပ်သမား စိစစ်ရေးမှူး Claudio Tarifa သည် လူသားနှင့် အလုပ်သမား အခွင့်အရေးအား ကြီးလေးသော ဖောက်ဖျက်မှုများကို ယူကရိန်း ကောင်စစ်ဝန်ချုပ် (Ukraine Consulate General) ထံ အကြောင်းကြားခဲ့ပါသည်။ သူက ပြောကြားခဲ့သည်မှာ အချို့သင်္ဘောဝန်ထမ်းများသည် ယခင် အလုပ်ကန်ထရိုက်များမှ သူတို့ရရန်ရှိသည့် လစာများကိုပင် မရရှိခဲ့သေးကြောင်း ဖြစ်ပါသည်။

 “သင်္ဘောဝန်ထမ်းများအတွက် သူတိို့အဖို့နှင့် သူတို့၏ မှီခိုသူများအဖို့ အခြေခံ လိုအပ်ချက်များကို ပေးစွမ်းရန် အခြားသော မည်သည့် နည်းလမ်းမျှ မရှိပါ၊” ဟု Tarifa က သတင်းပို့ခဲ့သည်။ “လုပ်ခမရသည့် သင်္ဘောဝန်ထမ်းများသည် ထိခိုက်လွယ်လာပြီး ယိမ်းယိုင်လာပါသည်။ မည်သည့် နည်းလမ်းမျှ မရှိပါ၊ သင်္ဘောပေါ်မှ ဆင်းရန် မည်သည့်နည်းလမ်းမျှ မရှိပါ၊ အရေးယူလုပ်ဆောင်ရန် မည်သည့်နည်းလမ်းမျှ မရှိပါ။”

Svkrane ၏ သင်္ဘောသား အများစုဖြစ်သည့် မိခင်နိုင်ငံသို့ ပြန်ရောက်ရှိချိန်၌ ITF ကလည်း မတရားကြောင်း ပြောဆိုနေပါသည်။ ITF စိစစ်ရေးမှူးဖြစ်သူ Nataliya Yefrimenko က ဖွင့်ဟပြောဆိုခဲ့သည်မှာ-

 “သူတို့၏ အလုပ်ရှင်သည် ၎င်းတို့၏ တာဝန်များကို ဖောက်ဖျက်နေလျက်ရှိပြီး အဆိုပါ လုပ်ခများကို အားထားနေရသော အိမ်ရှိမိသားစုများအပေါ် ကြီးမားသော သက်ရောက်မှုများ ရှိနေပါလိမ့်မည်။”

သင်္ဘော၏ လုပ်ငန်းလည်ပတ်သူ Oceans Wide Ltd နှင့် အလုပ်ရှင်တို့က Covid-19 အကျပ်အတည်းကြောင့် ငွေကြေး အခက်အခဲများရှိသည်ဟု ထုခြေခဲ့ပါသည်။

ကမ္ဘာ့ရောဂါကပ်ဘေးကြီးကြောင့် တစ်ကမ္ဘာလုံးဆိုင်ရာ သင်္ဘောသား လုပ်သားအင်အားထုအပေါ်နှင့် သင်္ဘောလမ်းကြောင်း အချို့အပေါ် အကြီးအကျယ် သက်ရောက်မှုရှိခဲ့သော်လည်း ကုန်စည် အများစုကို ဆက်လက် ပို့ဆောင်ပေးခဲ့ပါသည်။ သင်္ဘောဝန်ထမ်း အပြောင်းအလဲလုပ်ရေး အကျပ်အတည်းသည် သင်္ဘောများသို့ မသွားနိုင် မဆင်းနိုင်အောင် ထိခိုက်လျက်ရှိနေသည် - သို့သော်လည်း ၎င်းသည် သင်္ဘောလုပ်ငန်း ကုမ္ပဏီများ သို့မဟုတ် ကုန်စည် ဖြန့်ချီရေးကို မထိခိုက်သေးပါ။ ကိစ္စတစ်ခုခုတွင် Srakane သင်္ဘောဝန်ထမ်းများသည် ကမ္ဘာ့ရောဂါကပ်ဘေးကြီး မဖြစ်ပွားခင်ကပင် လပေါင်းများစွာ လုပ်ခ မရခဲ့ကြပါ။

de Freitas ကပြောကြားခဲ့သည်မှာ ITF အနေဖြင့် Covid-19 ကြောင့် သင်္ဘောသားများအပေါ် သူတို့၏ လုပ်ခများအား လိမ်လည်ခြင်းအတွက် အလုပ်ရှင်များအား ‘တာဝန်ကင်းလွတ်ခြင်း’ ခွင့်ပြုကြောင်းကို သိရှိခဲ့သည်။ MLC စာချုပ်အရ အကယ်၍ သင်္ဘောပိုင်ရှင်က မပေးနိုင်လျှင် ယင်းနောက် သင်္ဘောစင်းလုံးငှါးသူများအပါအဝင် အခြား ပတ်သက်သူများသည် တာဝန်ရှိလာနိုင်သည်။

Brazilian အာဏာပိုင်များသည် Srakane ၏ နိုင်ငံခြားသား သင်္ဘောဝန်ထမ်းများအား အိမ်ပြန်ပို့ရန်နှင့် ၎င်းတို့၏ လုပ်ခများကို ပေးချေရန်အတွက် ဖြေရှင်းချက်ကို ရှာဖွေရန် မမောမပန်း လုပ်ကိုင်ခဲ့ပါသည်။

ယင်းနောက် ဇူလိုင်လ ၄ ရက်နေ့တွင် အဖြေပေါ်ခဲ့သည်။ စိုက်ပျိုးရေးလုပ်ငန်း CBA Exportação de Produtos Agrícolas Ltd ၏ ဒေသခံ စီးပွားရေးသမားဖြစ်သူ João Carlos Camisa Nova Junior သည် ပဲပုပ်များကို ဥရောပသို့ တင်ပို့ရန် Srakane ကို Seachois Ltd အတွက် တစ်ဆင့်ခံ စင်းလုံးငှါးရန် သဘောတူခဲ့သည်။ ၎င်းအားဖြင့် ချက်ချင်း ပေးသွင်းငွေ US$300,000 ရရှိခဲ့ပြီး သင်္ဘောဝန်ထမ်းများ၏ လုပ်ခများနှင့် အိမ်ပြန်စရိတ်များကို ကာမိစေရန်ထက် ပိုမို လုံလောက်ခဲ့ပါသည်။

သူနှင့် စင်းလုံးငှါးသူ Seachios တို့နှစ်ဖက်လုံး လုပ်ငန်း ကိုက်ညှိမှု သတ်မှတ်ချက်များ (Conduct Adjustment Terms) စာချုပ်ကို လက်မှတ်ရေးထိုးခဲ့သည်– CBA က အာမခံသူအဖြစ် လက်မှတ်ထိုးသည်။ ယင်းနောက် Seachois သည် ဒေသခံ Brazilian သင်္ဘောဝန်ထမ်းများဖြင့် Srakane ကိုလက်ပြောင်းယူရန်အတွက် အလုပ်ခန့်ရန် စီစဥ်ခဲ့သည်၊ သင်္ဘောဝန်ထမ်း အပြောင်းအလဲလုပ်ရေးကို လုပ်နိုင်စေပြီး Ukrainian နှင့် Montenegrin သင်္ဘောဝန်ထမ်းများ ယင်းနောက် အိမ်ပြန်နိုင်ရန် ဖြစ်သည်။

ပြုပြင်မှုများလုပ်ပြီးသွားသည့်အခါ သင်္ဘောကို ထိန်းသိမ်းထားရာမှ လွတ်ပေးခဲ့ပါသည်။ အဆိုပါ Srakane သင်္ဘောသည် စီးပွားလုပ်ငန်းသို့ ပြန်လည်ရောက်ရှိလာပြီး São Sebastião ဆိပ်ကမ်းမှ ကုန်စည်များကို တင်ပို့ရန် အတ္တလန်တိတ် သမုဒ္ဒရာကိုဖြတ်၍ ဥရောပသို့ ထွက်ခွာရန် အဆင်သင့်ဖြစ်နေပါသည်။

ရရန်ရှိသည့် လုပ်ခအားလုံး လက်ခံရရှိသည့်အပြင် သင်္ဘောသား တစ်ယောက်ချင်းအတွက် ၎င်းတို့၏ ခရီးစဥ် လေယာဥ်စရိတ်များ၊ လွဲပြောင်းစရိတ်များ၊ ဆေးဝါးကုသမှု၊ တည်းခိုစရိတ်နှင့် အစားအစာတို့ကို ပေးခဲ့ပါသည်။ သူတို့ တစ်ဦးချင်းသည် ခရီးစဥ်အတွက် အိတ်စိုက်ထုတ်ရမည့် စရိတ်များကိုကာမိစေရန် US$400 ကိုလည်း ရရှိခဲ့ကြသည်။

စိတ်သောက ခံစားနေရသည့် သင်္ဘောဝန်ထမ်း သုံးဦးကို ဇူလိုင်လ ၈ ရက်နေ့တွင် ဦးစွာ အိမ်ပြန်ပို့ခဲ့သည်၊ Montenegro မှ အလုပ်သင်တစ်ဦးနှင့်အတူဖြစ်သည်။ နောက်ဆုံး ကျန်ရှိနေသေးသည့် သင်္ဘောသား ၁၂ ဦးကို ဇူလိုင်လ ၂၆ ရက်နှင့် ဇူလိုင်လ ၃၀ ရက်နေ့တို့တွင် အိမ်ပြန်ပို့ခဲ့သည်။  

Srakane သင်္ဘော၏ ဒုတိယ အရာရှိနှင့် မာလိန်မှူးတို့သည် သင်္ဘော နောက်ထပ် ဆိပ်ကမ်းသို့ ရောက်ပြီးနောက် သင်္ဘောပေါ်မှ ဆင်းရန် မျှော်လင့်ထားသည်။

Ukraine နိုင်ငံသို့ ရောက်ရှိချိန်၌ အရာရှိချုပ် Pavlenko သည် Brazil နိုင်ငံရှိ ITF စိစစ်ရေးမှူးဖြစ်သူ de Freitas အား စာရေးသားခဲ့သည်- “သင်၏ ဧရာမ ကြိုးပမ်းမှုများနှင့် ခြွင်းချက်မရှိ-ကြီးမားလွန်းလှသော အလုပ်အတွက် သင့်အား ကျေးဇူးတင်ပါသည်…သင်္ဘောဝန်ထမ်း အားလုံး ငွေကြေး ရခဲ့သည်။”

Srakane သင်္ဘော၏ လူများမှာ အိမ်ရောက်ပြီးဖြစ်သည်။ ထို့ပြင် လုပ်ခ ရခဲ့ပြီးဖြစ်သည်။

-

*နာမည်ရင်း မဟုတ်ပါ။